Јавна Благодарност

 Почитувани,

Од мое лично име, од името на мојата сопруга Гордана, целото наше семејство и од сопругата на починатиот Дарко,  Наташа Милошевска и фамилијата, сакам да изразам Јавна Благодарност и должна Почит кон доцент Д-р Јован Ивчев, Д-р Нада Ивчева, сите доктори, сестри и медицински персонал од интезивната нега од ГОБ 8 Септември-Скопје  кои беа вклучени во борбата за зачувување на животот на нашиот сега веќе покоен, но многу сакан зет,шура,брат и сопруг Дарко Милошевски.

Борбата за животот на Дарко Милошевски од страна на докторскиот тим беше посветена, секојдневна, макотрпна и исцрпна.

Иако, господ одлучи Дарко да биде во Царството небесно, ние како семејство и фамилија сакаме да изразиме огромна благодарност за пожртвуваноста на доц д-р Јован Ивчев и целиот медицински тим кој беше задолжен за негата на Дарко.

Белиот мантил како професија треба да биде високо достојна за Почит и Благодарност, а поготово сега, кога се исцрпени  и во борбата против Ковид.

Слава и Почит за докторите кои се наша најголема вредност.

Апел до сите граѓани да ја почитуваат оваа професија, бидејќи порано или подоцна, ние сме во нивните раце.